-
Lumìn au Sucursu
-
Quéle séie quande finisce
Zügnu
-
e braghétte cürte e vòggia de zügà
-
tütti a curì cun i stupìn in pügnu
-
vèrsu u Sucursu pè falu ilüminà.
-
Sü de cursa intu vièlu in mèzzu ae uive
-
mèntre u su u se va a cacià in mèzzu au mà,
-
cuntènti de rie, de respià, de vive
-
anémmu au campusantu da ilüminà.
-
U primmu cu l’ arive u cògge i lumìn,
-
mèntre l’atru u vèrse l’öiu de uive
-
e poi u tèrsu u tage i stupìn,
-
cuscì u i asènde l’ ürtimu che arive.
-
Travàggiu alégru pé digerì a séina:
-
i saiàn de ciü quelli de véi o d’ancö?
-
I nou diàn quandu sciùrtan da nuvéina
-
s’émmu vintu nuatri in saccu de faxö.
-
Óuva anémmu che cuminse a fa scüu,
-
ma quei föghi chi volan in sü e fòsse
-
e i se crédan d’èse ratti-penüi,
-
i sun ànime ch’i scappan da e össe ?
-
E tütti a scapà a chi cure ciü fòrte,
-
chi arive pé primmu a e cà de Funtòna,
-
cu’ cü stretto e na pòia d’a mòrte,
-
ma puéilu cuntà ai fanti de Galòna!
-
-
Fontona, Santuario del Soccorso, 2 luglio 2015
|