Sunàvu a batuèla
 
   Aspeitàvu Pasqua cun u cö persu,
dé fàme rie nu ghéa vèrsu.
   Sunàndo a batuela
in gìu pé a ciassa
sugnàvu dé vedéite
setà in sű a terassa.
   Quànde t’ho vìsta rie deré au védru
ho pèrsu a tèsta cu’ a berétta:
in simma au còllu ghéivu sulu fréddu
e scròlavu a batuéla in sű a ciassetta.
   Óuva Pasqua a saià ciű alêgra
pìna dé sciue e öve riunde
cùmme e tétte dé quélla stréga
che a s’a durmìva surva e unde.
   Me ne tùrnu in su a cianétta
e sògnu ‘n tö bàxu dùse
da u savù dé ciapelétta
cötta drèntu ‘na turta dé nuxe.
 
Fontona, 8 aprile2022